Daily Archives: March 7, 2014

मार्टिन लुथर किङ प्रति ।

जिन्दगी उचाईमा जिउने धेरै रहर थियो अफशोच कसैको थिचाईमा जिईरहेको छु । पापडको बेलाई भन्दा पनि धेरै कामको पेलाई अझै असह्य भैरहेको अनुभव गर्छु । हैन यो झारपात जिन्दगीबाट पात-पतिङ्गर जिन्दगीमा पाईला नसरेकै हो त? (आफैले आफैलाई प्रश्न ।) रौनक तथा उल्लासय शुभप्रभात मित्रहरू तथा जन्मदिनको शुभकामना मार्टिन लुथर किङ प्रति ।

Advertisements

नेपालमा लोडसेडिङ्ग किन?

नेपालमा लोडसेडिङ्ग किन?
****************
दुबईमा कुनै शुक्रबार रामको भेट नारायण, प्रकाश, शिव, सिताराम, हरि, विष्णु, कृष्ण तथा अन्य साथीहरूसंग नेपाली चोक (जसलाई हिजोआज पिरती डाँडा भनेर नामाकरण गरिएको छ) मा हुन्छ । त्यही क्रममा,
रामः प्रकाश तिमी यहाँ? त्यस्तो राम्रो जागिर छोडेर किन नि?
प्रकाशः नेपालमा त्यो नाथे तलबमा को काम गर्छ यार, महंगी यस्तो बढेको छ कि, जस्ले यहाँ धकेल्न बाध्य बनायो मलाई ।
नारायणः म पनि त्यही भएर मुसलमानको शरणमा छु यार नेपालको लोड सेडिङले गर्दा खोलेको कम्प्युटर पसल पनि लिलामी भो त्यसैले म पनि यहाँ ।
(सबैले आआफ्नो दुखेसो सो भेटघाटमा पोखे । त्यतिकैमा रामले हाँस्दै भन्यो ।)
रामः नेपालमा लोडसेडिङ्ग हुने प्रमूख कारण पत्ता लाग्यो नि?
सितारामः भन भन के हो त्यो?
रामः नेपाल मन्दिरै मन्दिरको देश, जहाँ पहिले भगबानहरू प्रशस्त बस्थे । अब हिजोआज ती सबै भगबानहरू यहाँ मुसलमानको देशमा आए पछि अँध्यारो हुन्न त? तिमी आफै भननः उ त्यो शिव, कृष्ण, हरि सबै यहाँ आएको छ हुँदा हुँदा प्रकाश र तेजमान पनि यहाँ आए पछि नेपाल अन्धकार हुने स्वभाविकै भै हाल्यो नि कि कसो?
सबै गलल हाँस्छन् । हा हा हा …

साँच्चै नै ।

साँच्चै नै ।

साँच्चै नै तिम्रो याद आउँछ,
जिन्दगीमा टाढा गए पनि ।
साँच्चै नै तिम्रो माया लाग्छ,
दुई मुटु टाढा भए पनि ।

हरेक कथामा तिम्रो साथ पाउने गर्छु,
हरेक व्यथामा तिमीलाई याद गर्ने गर्छु ।
हौसला दिने तिम्रो, अनौठो त्यो यौबन ।
हरपल सुम्पेको छु, मेरो यो जोबन ।

हरेक बेहोशीमा तिम्रो गीत गाउने गर्छु,
हरेक खुशीमा तिमीलाई प्रित लाउने गर्छु ।
प्रेरणा दिने तिम्रो, मधुर मुस्कान ।
हरदम सम्झेको छु, तिम्रो त्यो धडकन ।

– राम तामाङ
जनवरी २०१३, फुजैराह, संयुक्त अरब ईमारात

https://soundcloud.com/ramtamang/sanchai-nai-raw-practice-while

अह्मद ।

नेपालतिर हरेक छोरा मान्छेलाई ‘बाबु’ भनेर मायाले सम्बोधन गरे जस्तै अरब तिर हरेक छोरा मान्छेलाई मायाले ‘अह्मद’ भनिदों रहेछ ।

सामुन्द्रिक चट्टान ।

यो सामुन्द्रिक चट्टानले पनि जिन्दगीमा गर्नु गर्यो भन्दै रूदै कराउँदै मेरो अघिबाट एक जना नेपाली हल्लिदै र ढल्मलाउँदै गयो । उस्ले भनेको वाक्य मेरो दिमागमा धेरै पल्ट ठोक्कियो तर पनि भन्न खोजेको कुरा ठम्याउन सकिन । बल्ल पो थाहा पाएँ रक्सी (Rock+Sea) को अंग्रेजी कोड त सामुन्द्रिक चट्टान पो रहेछ । म त हाँस्नु हाँसे ।

साथीभाई ।

साथीभाईले तँ, तेरो, तलाई भनेर सम्बोधन गर्दा लाग्छ तिमी, तिम्रो र तपाई भन्ने शब्दनै नेपाली शब्दकोषमा छैन कि भन्ने भान हुन्छ । आफूभन्दा ठूलोको आदर र सानोको सम्मान गर्नु हाम्रो समाजले भुल्न थालेको होकी भन्ने लाग्छ ।