Category Archives: मुक्तकहरू (Free Verses)

अविरल झरीमा ।

अविरल झरीमा तिमीसंगै ओत लाग्दा,
व्याकुल मेरो मन सिरेटोसंगै मात लाग्दा ।

निथ्रुक्क भिजेको तिम्रो बदन, देख्दा आङ जिरिङ्ग हुन्छ ।
तिमीलाई अङ्गालो मार्दा, मन मेरो सिरिङ्ग हुन्छ ।

पिपलु छहारीको गुण, हामीले कहिले तिर्ने होला ।
जीवनसाथीको बन्धन भित्र, हामी कहिले छिर्ने होला ।

– रस अल खैमा, जुन, २०१३

Advertisements

चुर्लुम्म डुबेपछि ।

चुर्लुम्म डुबेपछि समुन्द्रलाई दोष दिने मान्छेको जात ।
गन्तब्यमा पुग्न नसक्दा भाग्यलाई दोष दिने मान्छेको जात ।
आफैं त सम्हालेर हिंड्न नजान्ने अनि,
अल्झेर लड्दा भुईमाथीको पत्थरलाई दोष दिने मान्छेको जात ।

ढुङ्गा, माटो र पत्थरको यो संसार पनि खै कस्तो कस्तो,
जात केलाउँदा मान्छे नै दोषी अनि ढुङ्गेयुगमा बसे जस्तो ।
एकाथरी त्यही पत्थरलाई तिखार्दै बनेको मुर्तिलाई पुज्दैछन्,
अर्काथरी अज्ञानताबश त्यही ढुङ्गाले पाईखाना पुछ्दैछन् ।

 

-राम तामाङ, मे, 2013, रस अल खैमा, संयुक्त अरब ईमारात